GONZALI PRODUCCIONES PREPARA UN DOCUMENAL SOBRE «A BRUXA DE BRAÑAVARA»

Estaya d'asturianu TPA. 
Gonzali Producciones va presentar un documental sobre un aspectu de la cultura tradicional asturiana tituláu A bruxa de Brañavara, dirixíu por Illán Gonzali y col asesoramientu d’Alberto Álvarez Peña, onde s'usa como llingua vehicular el gallegu-asturianu, faláu na zona más occidental del país.

Nesti mediumetraxe cuéntase que n'Asturies había homes y muyeres que teníen el don de ver a los muertos y falar con ellos. Tamién podíen ver a la Santa Compañía ensin que-yos pasara nada y los entierros de xente prematuramente. En cásique tolos conceyos asturianos había dalgún personaxe d’estos. Esti don garrábase porque foren bautizaos con estola negra de Xueves o Vienres Santu, el día la muerte de Xesucristu.

Amparo, más conocida como «A bruxa de Brañavara», nació nel conceyu de Bual, onde muncha ye la xente que tovía s’alcuerda d’ella o tien sentío falar de los sos socedíos. La so figura inda nun la escaecieren nestos conceyos occidentales.

PREPAREN UN DOCUMENAL SOBRE 'A BRUXA DE BRAÑAVARA'

Asturnews.Redacción

Según informen dende la propia productora, pa principios de setiembre Gonzali Producciones tendrá acabáu un nuevu documental sobro la cultura tradicional asturiana tituláu A Bruxa de Brañavara, dirixíu por Illán Gonzali y empobináu por Alberto Álvarez Peña, y onde s'usa como llingua vehicular la fala o gallego-asturianu.

Nesti medimetraxe recuérdase que n'Asturies había homes y muyeres que teníen el don de ver a los muertos y falar con ellos. Tamién podíen ver a la Santa Compañía y nun-yos pasada nada, víen los entierros de xente prematuramente. En cuasi tolos conceyos asturianos había xente d’esa. Esti don garrábase porque fueren bautizaos con estola negra de Xoves oVienres Santo, el día la muerte de Xesucristu.

En 1925 Villalaín na so “Topografía Médica de Corvera” falaba del Martón, un home vieyu que falaba con muertos. Inda queda recuerdu de Consuelo, d’Aldín (Barcia, Valdés), de Xuan de Samboldro (Serín, Xixón), Josenón d’Arnao (Castrillón) o Ramona de Rufabar (Piloña), que teníen el mesmu don. Yá en 1898 Bernardo Acevedo y Huelves falaba d’un muyer en Sampol (Bual) a la que diben a consultar los vecinos y xente d’otros conceyos pa conocer el paecer de los sos antepasaos muertos sobro les custiones d’esta vida.

Foi nesti mesmu conceyu onde nació Amparo, más conocida como A bruxa de Brañavara. Amparo poníase en trance pa comunicase colos muertos. Muncha ye la xente que tovía s’alcuerda d’ella o tien sintío falar de los sos socedíos. La so figura inda nun la escaecieren nestos conceyos occidentales.